पोखरा

आइतबार राति भएको मैत्रीपूर्ण खेलमा मेस्सीबिनाको बार्सिलोनाले इटालियन क्लब युभेन्ट्सलाई ३-० गोलले पराजित गरेको हो ।

बार्सिलोनालाई जित दिलाउन मेम्फिस डिपे, मार्टिन ब्रेथवेट र रिकार्ड पुइगले एक/ एक गोल गरे ।

खेलको तेस्रो मिनेटमा मेम्फिसले गोल गर्दै बार्सिलोनालाई सुरुवाती अग्रता दिलाएका थिए । ५७औँ मिनेटमा मार्टिनले गोल गर्दै बार्सिलोनाको अग्रता दोब्बर बनाए । इन्जुरी समयमा रिकार्डले गोल गर्दै बार्सिलोनालाई ३-० को सहज जित दिलाए ।

नयाँ सिजनमा मेस्सीबिना बार्सिलोनाले अर्को ठूलो क्लवसँग खेलेको यो पहिलो पटक हो ।