सिरी ए फुटबलमा इन्टर मिलानको विजयी शुरूवात
पोखरा
इटालियन सिरी ए फुटबलमा साविक विजेता इन्टर मिलानले विजयी शुरूवात गरेको छ ।
शनिबार राति भएको सिजनको पहिलो खेलमा जिनोआलाई ४-० को फराकिलो अन्तरले पराजित गर्दै इन्टरले शानदार शुरूवात गरेको हो ।
इन्टरको जितमा मिलान स्क्रिनियर,हाकान कलआनोग्लु,अर्टुरो भिडाल र इडीन डेज्कोले एक एक गोल गरे ।
जितसँगै इन्टरले महत्वपूर्ण ३ अंक जोडेको छ । जिनोआले भने हारबाट सिजनको शुरूवात गरेको छ ।
