वुद्ध एयरले फागुन १७ गतेदेखि पोखराबाट जनकपुर र धनगढी सिधा उडान गर्ने
पोखरा
वुद्ध एयरले फागुन १७ गतेदेखि पोखराबाट जनकपुर र धनगढी सिधा उडान गर्ने भएको छ ।
वुद्ध एअरले सार्वजनिक गरेको तालिका अनुसार पोखरा जनकपुरधाम साताको ३ दिन सोमबार, बिहीबार र शनिबार र धनगढी पोखरा आइतबार, बुधबार र शुक्रबार गरी ३ दिन उडान भर्ने छ।
सिधा उडान पश्चात पर्यटकीय राजधानी पोखरा अब जनकपुर र धनगढीसँग जोडिने भएको छ। नयाँ गन्तव्य थपिएसँगै यात्रुहरुको समय बचत हुनुको साथै यात्रुहरुलाई सहज हुने कम्पनीको विश्वास रहेको छ।
यसअघि वुद्ध एयरले पोखरादेखि नेपालगञ्ज, भैरहवा, भरतपुर, सिमराका साथै बिराटनगरमा प्रादेशिक उडान सञ्चालन गरिसकेको छ ।
