पोखरा

कास्की प्रहरीले तास खेलिरहेका ८ जनालाई नगदसहित पक्राउ गरेको छ।

शनिबार साँझ पोखरा महानगरपालिका -११ धरहरा मार्गस्थित किशान तिलिजा पुनको घरमा तास खेलिरहेको अवस्थामा पुनसँगै ८ जनालाई प्रहरीले पक्राउ गरेको हो ।

प्रहरीका अनुसार किशानको घरमा जुवातास खेलीरहेको भन्ने विशेष सूचनाको आधारमा वडा प्रहरी कार्यालय रामबजारबाट खटिएको प्रहरीले नगद ६६ हजार ६५ रुपैयाँ र ४ बुक ताससहित उनीहरुलाई पक्राउ गरेको हो । पक्राउ परेका उनीहरुमाथि अनुसन्धान भइरहेको प्रहरीले जनाएको छ।