पोखरा

पर्वतको महाशिला गाउँपालिकामा एमालेका इश्वरी भुसालले गठबन्धनका तर्फबाट कांग्रेसका अशोक उचै ठकुरीलाई ४ सय ४० मतान्तरले हराउँदै अध्यक्षमा निर्वाचित भएका हुन्।

भुसालले २ हजार ७४३ मत प्राप्त गरे भने प्रतिद्वन्द्वी ठकुरीले २ हजार ३०६ मत पाए। उपाध्यक्षमा पनि एमालेकी धनसुवा विक निर्वाचित भएकी छन्। उनले गठबन्धनको तर्फबाट एकिकृत समाजवादीका विराज हमाललाई ७ सय ३७ मतान्तरले पछि पार्दै निर्वाचित भएकी हुन्।

विकले २ हजार ७०६ मत ल्याउँदा समाजवादीका हमालले १ हजार ९६९ मत प्राप्त गरे। ६ वटा वडा रहेको महाशिलामा वडा नं ५ लुंखुमा गठबन्धनको तर्फबाट कांग्रेस विजयी भएको छ भने अन्य ५ वडाहरुमा एमालेले प्यानल सहित विजयी भएको छ।