पोखरा

पोखराको १५औँ मेयरको रूपमा १ लाख ४३ हजार २ सय २८ मत गणना गर्दा ५८ हजार ८९३ मत ल्याउँदै नेकपा एकीकृत समाजवादीका धनराज आचार्य निर्वाचित हुनुभएको छ ।

उहाँका निकटतम प्रतिस्पर्धी नेकपा एमालेका कृष्ण थापाले ५२ हजार ८४८ मत मात्रै प्राप्त गर्नुभयो । मेयरमा उहाहरु बिचको मतान्तर ६ हजार ४५ रहेको छ ।

उपमेयरमा नेकपा एमालेकी मञ्जु गुरुङ विजयी हुनुभएको छ । यसअघि पनि महानगरमा उपमेयर रहनुभएकी गुरुङ नेपाली काँग्रेसकी कोपिला रानाभाटलाई तीन हजार ८८३ मत अन्तरले पछि पार्दै पुनः निर्वाचित हुनुभएको हो । गुरुङले ६० हजार ५४६ मत पाउँदा रानाभाटले ५६ हजार ६६३ मत ल्याउनुभयो ।