पोखरा

यातायात कार्यालय पोखराले थप पूर्वाधार र जनशक्तिको व्यवस्थापन नभएसम्म दैनिक ४०-५० जना सम्मलाई मात्र इम्बोस्ड नंवर दिन सकिने जनाएको छ।

सेवाग्राहीको भीड बढेपछि कार्यालयले आज एक विज्ञप्ति मार्फत कार्यालयको अहिलेको क्षमता दिनमा ४० देखि ५० जनाको बायोमेट्रिक लिने र डकुमेन्ट स्क्यान गर्ने मात्र रहेको जनाएको छ ।

विज्ञप्तिमा भनिएको छ – “पूर्वाधार र आवश्यक जनशक्तिको व्यवस्थापन नभएसम्मका लागि हाल यस कार्यालयमा नयाँ तथा सरुवा दर्ता भइ आउने सवारी साधनमा मात्र इम्बोस्ड नंवर जडान कार्य सूचारु रहने जानकारी गराइन्छ।”

कार्यालयले सवारी साधनको चाप बढेपछि पार्किङमा पनि समस्या रहेको जनाएको छ। सरकारले केहीदिन अघि सूचना जारी गर्दै ‘साउन १ गतेबाट सबै सवारीमा इम्बोस्ड नम्बर प्लेट लागू गर्ने अन्यथा कारवाही गर्ने बताएको छ ।