पोखरा

पोखराको अन्नपूर्ण केवलकारले भदौ महिनाभर बिहानको सेवा स्थगित गर्ने भएको छ । सनराइज हेर्नेहरुका लागि लक्षित गर्दै केवलकार सेवा बिहान ५ बजेदेखि नै सञ्चालन गर्दै आएको थियो । अत्यधिक वर्षा हुने र मौसमका कारण समस्या हुने भन्दै केवलकारको बिहानको सेवा स्थगित गरिएको संस्थाले जनाएको छ । 

भदौ १ गतेदेखि बिहान ९ बजेपछि मात्रै सेवा सुचारु हुने कम्पनीले जनाएको छ । कम्पनीका अनुसार असोज १ गतेदेखि भने बिहान ५ बजेदेखि नै सेवा सञ्चालन हुनेछ ।