पोखरामा एक युवक मृत अवस्थामा फेला
पोखरा
पोखरामा एक युवक मृत अवस्थामा फेला परेका छन् ।
महानगरपालिका वडा नं. १४ को सगरमाथा टोलमा बस्दै आएका युवक झुण्डिएको अवस्थामा मृत फेला परेको हो ।
स्याङ्जा विरुवा गाउँपालिका घर भएका १९ वर्षीय रामबहादुर गुरुङ आज बिहान ८ः१५ बजे झुण्डिएको अवस्थामा मृत फेला परेको जिल्ला प्रहरी कार्यालय कास्कीले जनाएको छ । गुरुङ ट्वाइलेटमा झुण्डिएको अवस्थामा फेला परेका हुन् ।
उनको शवलाई पोष्टमार्टमका लागि पश्चिमाञ्चल क्षेत्रीय अस्पतालमा राखिएको छ । घटनाको सम्बन्धमा अनुसन्धान शुरु गरिएको कास्की प्रहरीका निमित्त प्रमुख डिएसपी सुन्दर तिवारीले जानकारी दिए ।
