पोखरा

लागूऔषध बोकेर यात्रा गरेको भेटेपछि प्रहरीले गोरखाको पालुङटार नगरपालिका ६ का १८ वर्षीय कृष्ण नेपाली र बागलुङ नगरपालिका ९ तित्याङका १९ वर्षीय अमृत परियारलाई प्रहरीले पक्राउ गरेको पक्राउ गरेको छ ।  जिल्लाको प्रवेशद्वार मालढुंगामा प्रहरीले जाँच गर्दा ती युवाको साथमा लागूऔषध फेला परेको थियो ।

काठमाडौंबाट बागलुङ आउँदै गरेको बा ३ ख ९११२ नम्बरको माइक्रोबसमा उनीहरु यात्रारत थिए । नेपाली बसका सहचालक हुन् । उनको रातो जेब्रा झोलाभित्र राखिएको सपिङ व्यागमा ट्रमाडोल ५७८ क्याप्सुल, निट्राजेपाम ९ क्याप्सुल र गाँजाको धूलो २५ ग्राम फेला पारेको हो ।

उनले ल्याइदिएको लागूऔषध ओसारपसार गर्न पर्खेर बसेका परियार पनि पक्राउ परेको प्रहरीले जनाएको छ। उनीहरुमाथि थप अनुसन्धान अघि बढाइएको छ ।