पोखरा

धार्मिक एंव पर्यटन क्षेत्र विकास समितिद्वारा पोखराको सराङ्कोट टपमा विशाल पञ्चमुखी गणेश मुर्ति निर्माण गरिने भएको छ । 

निर्माण कार्यको शुभारम्भ गर्दै पोखरा महानगर पालिकाका प्रमुख धनराज आचार्यले पोखराको पर्यटन विकासमा धार्मिक क्षेत्रको महत्वपूर्ण योगदान रहेको बताए । ५१ फिट उचाई रहने विशाल गणेश मुर्ति स्थापनाका लागि नौ करोड खर्च लाग्ने अन्नपूर्ण केवलकार प्रालिका सञ्चालक तीर्थराज त्रिपाठीले बताए ।

समितिका अध्यक्ष प्रेमबहादुर जिसीको अध्यक्षतामा भएको कार्यक्रममा तत्कालिन सराङ्गकोट गाविसका अध्यक्ष झपटबहादुर थापा, वडा नं. १८ का वडासदस्य कल्पना ढकाल, सचिव दिलबहादुर जिसी लगायतले बोलेका थिए । विशाल गणेश मूर्ति शिवरात्रिसम्ममा सम्पन्न गर्ने योजना रहेको उपाध्यक्ष मीनबहादुर थापाले बताए ।