कलाकार बुद्धि तामाङ विवाह बन्धनमा बाँधिए
पोखरा
कलाकार बुद्धि तामाङ विवाह बन्धनमा बाँधिएका छन् । उनले आज शुक्रबार मकवानपुरकी अनु थिङसँग विवाह गरेका हुन् । यो जोडीको तामाङ परम्परा अनुसार भक्तपुर कौशलटारको एक पार्टी प्यालेसमा विवाह भएको हो । बुद्धिले अनुसँग मागी विवाह गरेका हुन् ।
सानो पर्दाको सिरियलबाट चम्किएका बुद्धिले थुप्रै चलचित्रहरूमा अभिनय गरेका छन् । पछिल्लो समय उनी म्युजिक भिडियो, टेलिफिल्म र फिचर फिल्ममा निकै व्यस्त छन् । उनको ‘हैट’ थेगो निकै लोकप्रिय मानिन्छ ।
