पोखरा

पर्वतमा घरेलु हतियारसहित एक युवा पक्राउ परेका छन् ।

पर्वतको पैयु गाउँपालिका वडा नं.६ साधने बस्ने २१ वर्षीय बम क्षेत्रीलाई घरमा सोमबार दिउँसो ४ बजे अवैध रुपमा घरेलु हतियार भरुवा बन्दुक लुकाई छिपाई राखेको अवस्थामा प्रहरीले पक्राउ गरेको छ । उनका साथबाट प्रहरीले एक थान भरुवा बन्दुक बरामद गरेको छ ।

क्षेत्रीलाई हातहतियार तथा खरखजना सम्बन्धी कसुरमा मुद्दा दर्ता गरी पर्वत जिल्ला अदालतबाट १० दिनको म्याद थप गरेर थप अनुसन्धान भइरहेको प्रहरीले जनाएको छ ।