पोखरा

बागलुङको जैमिनी नगरपालिका वडा नंं १० राङखानीको डाँडाखानीमा शुक्रबार दिउँसो बिजुलीको सामान बोकेर गएको ध १ च ६२ नम्बरको जिप सडकदेखि १ सय मीटर तल खस्दा ३ जना घाइते भएका छन् ।

घटनामा बागलुङको बडिगाड गाउँपालिका वडा नंं ७ का २५ वर्षीय सञ्जय राम्जाली र चुडाबहादुर श्रीश सख्त घाइते भएको प्रहरीले बतायो। घटनामा जिपका चालक जैमिनी १० का ३५ वर्षीय भरत पुन पनि घाइते छन् ।

घाइते सबैलाई इलाका प्रहरी कार्यालय कुश्मीसेराको टोलीले उद्दार गरेको छ । सख्त घाइतेको उपचारका लागि हेलिकोप्टरमार्फत पोखरा लैजान पहल भएको जैमिनी नगरपालिकाका उपप्रमुख हरिहर शर्माले जानकारी दिए ।