पोखरा

पोखरा-२७ तालचोकबाट भारतको मोतिहारी रक्सौल घर बताउने २१ वर्षीय राजु कुमार शाह र बारा करेयामाई घर बताउने ३४ वर्षीय सरोज मिया मंसुरलाई अवैध चाँदीका गरगहनासहित पक्राउ गरिएको प्रहरीले जनाएको छ । प्रहरीका अनुसार उनीहरुबाट ३ लाख रुपैयाँ भन्दा बढीको गरगहना तथा ५७ हजार नगद बरामद गरिएको हो ।

प्रहरीले उनीहरुलाई पैदल हिँडिरहेको अवस्थामा चेकजाँच गर्दा उक्त परिमाणको गरगहना र नगद फेला परेको जनाएको छ । उनीहरुलाई राजस्व अनुसन्धान विभाग पुल्चोक, ललितपुर पठाएको पनि प्रहरीले उल्लेख गरेको छ ।