पोखरा

गोरखा अस्पतालमा ड्युटीमा रहेका डाक्टर कुटपिटमा संलग्नलाई प्रहरीले पक्राउ गरेको छ । गोरखा नगरपालिका–९ का समिर कुँवर, अनुप बस्नेत र गोरखा नगरपालिका–३ का प्रमोदजंग कुँवरलाई प्रहरीले पक्राउ गरेको हो । 

उनीहरुले गोरखा अस्पतालमा स्वास्थ्य परीक्षणका लागि पुगेकी एक महिलाको रिपोर्टको विषयलाई लिएर कात्तिक ६ गते ड्युटीमा रहेका चिकित्सक अविनाश पराजुलीलाई हातपात भएका थिए । कुटपिटपछि फरार रहेकाहरुलाई पक्राउ गरी अभद्र व्यवहारअन्तर्गत मुद्दा दर्ता गरी कारबाही प्रक्रिया अघि बढाएको जिल्ला प्रहरी कार्यालय गोरखाका प्रहरी प्रमुख एसपी केदार खनालले बताए ।