पोखरा

स्याङ्जा क्षेत्र नम्बर १ (२) मा नेकपा (एमाले) का सुधीर पौडेल विजयी भएका छन् ।

उनी निकटतम प्रतिद्वन्द्वी नेपाली कांग्रेसका बुद्धिबहादुर रानालाई ६ मतले हराउँदै विजयी भएका हुन् । सुधीरले १७ हजार ४ सय ४१ मत ल्याउँदा रानाले १७ हजार ४ सय ३५ मत प्राप्त गरे।राप्रपाकी शान्तिकुमारी हमालले १ हजार ५७४ मत पाएकी छन्। सांसदमा निर्वाचित सुधिर यसअघि आँधिखोला गाउँपालिका अध्यक्ष थिए।

स्याङ्जा १ (१) बाट नेकपा एमालेकै सीताकुमारी सुन्दास निर्वाचित भइसकेकी छन् ।स्याङ्जा २ को मतगणना भने सुरु हुन सकेको छैन । कांग्रेसले बुथ कब्जा गरेको भन्दै एमाले, राष्ट्रिय स्वतन्त्र पार्टीका पुनः मतदानको माग गरेका छन्।