पोखरा

तनहुँमा खुकुरी प्रहार गरी एक जनाको हत्या भएको छ।

आज सोमबार बिहान साढे ११ बजे भानु नगरपालिका–६ टुहुरे स्थित डुम्रे–चन्द्रवती भित्री सडकखण्डमा स्थिानीय ४९ वर्षीय सन्तबहादुर गुरूङको हत्या भएको हो । हत्या आरोपमा व्यास नगरपालिका–८ रिस्ती बस्ने २४ वर्षीय आशिष परियारलाई प्रहरीले पक्राउ गरेको छ।

उनलाई हतियारसहित पक्राउ गरेको र थप अनुसन्धान भइरहेको जिल्ला प्रहरी कार्यालय तनहुँले जनाएको छ । हत्याको कारण खुलिनसकेको प्रहरीले जनाएको छ ।