पोखरा

नेपाली बजारमा आज बुधबार सुनचाँदीको मूल्य घटेको छ। नेपाल सुनचाँदी व्यवसायी महासंघका अनुसार बुधबार सुनको मूल्य ६ सय रूपैयाँले घटेको छ। आज छापावाल सुन १ लाख चार हजार पाँच सय रूपैयाँमा कारोबार भइरहेको छ।

यसअघि, मंगलबार छापावाल सुन तोलाको १ लाख तीन हजार ९ रुपैयाँमा कारोबार भएको थियो।यस्तै, तेजाबी सुनको मूल्य तोलाको १ लाख ४ हजार रुपैयाँ निर्धारण भएको छ। यसैगरी, चाँदीको मूल्य पनि बुधबार तोलामा १५ रुपैयाँले घटेर एक हजार तीन सय ७५ रुपैयाँमा कारोबार भइरहेको महासंघले जनाएको छ।