पोखरा

पक्राउ पर्नेमा पोखरा – २० स्थायी घर भई पोखरा – १७ शितलपथ बस्ने वर्ष २२ को सुजन गुरुङप्रतिबन्धित लागूऔषधसहित पक्राउ परेको कास्की जिल्ला प्रहरी कार्यालयले जनाएको छ।

जिल्ला प्रहरी कार्यालय कास्की र लागूऔषध नियन्त्रण ब्यूरो पोखराबाट खटिएको प्रहरीटोलीले यही मंगलबार साँझ ५ बजे शितलपथमा चेकजाँच गर्ने क्रममा लागूऔषधसहित गुरुङ पक्राउ परेका हुन् ।

प्रहरीका अनुसार गुरुङको घरको कोठाबाट लागूऔषध डाईजापाम १०० एम्पुल, फेनेरागन ९५ एम्पुल र नुर्फिन ९५ एम्पुल गरी जम्मा २९० एम्पुल लागूऔषध फेला परेको हुँदा गुरुङलाई पक्राउ गरिएको हो । पक्राउ परेका गुरुङमाथि कास्की जिल्ला अदालतबाट लागू औषध सम्बन्धी मुद्दामा दिन पन्ध्र(१५)म्याद थप गरी अनुसन्धान प्रकृया अगाडी बढाइएको प्रहरीले जनाएको छ ।