तनहुँमा आमाको हत्या, छोराबुहारी पक्राउ
पोखरा
तनहुँको बन्दीपुर गाउँपालिका-३ सेराटार घर भएकी माया सर्किनीको हत्या आरोपमा उनको छोरा बुहारी पक्राउ परेका छन् ।
पक्राउ पर्नेमा उनकै ४७ वर्षीय छोरा राजकुमार सार्की र ३५ वर्षीया बुहारी सुशीला मजाकोटी रहेको प्रहरीले जनाएको छ । मृतकलाई सोमबार बिहान अनुहारमा घाउचोट लागेको अवस्थामा भेटिएको थियो ।
मृत्युपश्चात गाईगोठमा आगो लगाई आगलागीबाट मृत्यु भएको देखाउन खोजेको प्रहरीले आंशका गरेको छ । घटनाका विषयमा थप अनुसन्धान भइरहेको पनि प्रहरीले जनाएको छ ।
