पोखरा

नेपाली बजारमा आज आइतबार सुनचाँदीको मूल्य बढेको छ। नेपाल सुनचाँदी व्यवसायी महासंघका अनुसार आइतबार सुन तोलामा तीन सय रुपैयाँले बढेको छ। आज छापावाल सुन तोलाको १ लाख २ हजार ८०० रुपैयाँमा कारोबार भइरहेको छ।

यसअघि शुक्रबार छापावाल सुन १ लाख २ हजार ५०० रुपैयाँमा कारोबार भएको थियो। यस्तै, तेजावी सुनको मूल्य आइतबार १ लाख २ हजार तीन सय रुपैयाँ कायम भएको छ। यसैगरी, आइतबार चाँदीको मूल्य पनि प्रतितोला १० रुपैयाँले बढेर एक हजार दुई सय ७५ रुपैयाँ तोकिएको महासङ्घले जनाएको छ ।