पोखरा  

नेपाली बजारमा आज बुधबार सुनचाँदीको मूल्य घटेको छ। नेपाल सुनचाँदी व्यवसायी महासंघका अनुसार बुधबार सुन तोलामा एक हजार रूपैयाँले घटेको छ। आज छापावाल सुन तोलाको १ लाख १ हजार ५०० रुपैयाँमा कारोबार भइरहेको छ।

यसअघि मंगलबार छापावाल सुन १ लाख २ हजार ५०० रुपैयाँमा कारोबार भएको थियो। यस्तै, तेजावी सुनको मूल्य मंगलबार १ लाख १ हजार रुपैयाँ कायम भएको छ। यसैगरी, बुधबार चाँदीको मूल्य पनि प्रतितोला ४० रूपैयाँले घटेर १ हजार २२५ रूपैयाँमा कारोबार भइरहेको महासंघले जनाएको छ।