पोखरा  

नेपाली बजारमा आज बिहीबार सुनचाँदीको मूल्य घटेको छ। नेपाल सुनचाँदी व्यवसायी महासंघका अनुसार बिहीबार सुन तोलामा ५ सय रूपैयाँले घटेको छ।

आज छापावाल सुन तोलाको १ लाख १ हजार रुपैयाँमा कारोबार भइरहेको छ। यसअघि बुधबार छापावाल सुन १ लाख १ हजार ५०० रुपैयाँमा कारोबार भएको थियो। यस्तै, तेजावी सुनको मूल्य बिहीबार १ लाख ५०० रुपैयाँ कायम भएको छ।

यसैगरी, बिहीबार चाँदीको मूल्य पनि प्रतितोला ५ रुपैयाँले घटेर १२ सय २० रूपैयाँमा कारोबार भइरहेको महासंघले जनाएको छ।