पोखरा 

नेपाली बजारमा आज शुक्रबार सुनचाँदीको मूल्य बढेको छ। नेपाल सुनचाँदी व्यवसायी महासंघका अनुसार शुक्रबार सुन प्रतितोला एक हजार रुपैयाँले बढेको छ।

आज छापावाल सुन १ लाख ९ हजार २ सय रुपैयाँमा कारोबार भइरहेको महासंघले जनाएको छ।यसअघि बिहीबार छापावाल सुन प्रतितोला एक लाख ८ हजार २ सय रूपैयाँमा कारोबार भएको थियो। यस्तै, आज तेजावी सुन प्रतितोला एक लाख ८ हजार ७ रूपैयाँमा कारोबार भइरहेको छ।

यसैगरी, शुक्रबार चाँदीको मूल्य भने प्रतितोला २५ रुपैयाँले बढेर चाँदी आज १ हजार ४ सय रूपैयाँमा कारोबार भइरहेको महासंघले जनाएको छ।