पोखरा  

सडक भासिएर सोमबारदेखि अवरुद्ध भएको पृथ्वी राजमार्ग एकतर्फी खुलेको छ ।

१८ घण्टादेखि ठप्प भएको राजमार्ग मंगलबार बिहान १० बजेदेखि खुलेको हो । भासिएको भागमा माटोले पुरेर र पर्खाल लगाएर एकतर्फी सडक खुलाइएको हो । दुईतर्फी नै सडक खुलाउने प्रयास भइरहेको जिल्ला प्रहरी कार्यालय धादिङले जनाएको छ । हिजो दिउँसो ४ बजे धादिङको धार्केमा गणेश खोला पुल नजिकै सडक भासिएपछि पृथ्वी राजमार्ग ठप्प भएको थियो । नागढुंगा–मुग्लिन सडक योजना पूर्वी खण्डले नेपाली सेनाको सहयोग लिएर सडक मर्मत गरिरहेको छ ।