बागलुङको काठेखोला सडकदेखि जिप खस्दा २ जनाको मृत्यु
पोखरा
मध्यपहाडी लोकमार्गस्थित बागलुङको काठेखोला गाउँपालिका वडा नम्बर–५ बिहुँमा सडकदेखि जिप खस्दा दुई जनाको मृत्यु भएको छ ।
गलकोटदेखि बागलुङ आउँदै गरेको जिप बुधबार बिहान अनियन्त्रीत भएर ठूलोढुंगा देखि ५ सय मिटर तल खस्दा दुई जनाको घटनास्थलमै मृत्यु भएको प्रहरी नायब उपरीक्षक मदन केसीले बताए । ग १ च ९४८५ नम्बरको उक्त पिकअप जिप सामान बेच्न हिँड्ने गरेको खुले पनि मृतकको पहिचान भने भएको छैन । घटनास्थलमा प्रहरी चौकी धम्जा र प्रहरी चौकी अक्षेतेको टोली पुगेर उद्धार गरिरहेको छ ।
