पोखरामा स्कुटर दुर्घटना हुँदा चालकको मृत्यु
पोखरा
कास्कीको पोखरा महानगरपालिका–१० कुडहर चोकमा स्कुटर दुर्घटना हुँदा चालकको मृत्यु भएको छ ।
आज (शनिबार) बिहान पौने ३ बजे ग १० प ९९३० नम्बरको स्कुटर अनियन्त्रित भएर दुर्घटना हुँदा चालक पोखरा–१३ बाझपाटनका २५ वर्षीय नन्द प्रसाद गुरुङको मृत्यु भएको हो ।
दुर्घटनामा गम्भीर घाइते भएका गुरुङको उपचारको क्रममा पोखरा स्थित मणिपाल शिक्षण अस्पतालमा आज बिहान सवा ४ बजे मृत्यु भएको जिल्ला प्रहरी कार्यालय कास्कीले जनाएको छ ।
