पोखरा

गोरखामा ट्र्याक्टर दुर्घटना हुँदा आरुघाट गाउँपालिका मान्बु घर भइ गोरखा नगरपालिका–५ सतिपिपलमा डेरा गरी बस्ने ३६ वर्षका चालक राजु गुरुङ को मृत्यु भएको छ।

गोरखा नगरपालिका–८ बराहमन्दिर नजिकै सोमबार राति ग १ त ४८७८ नम्बरको ट्र्याक्टर दुर्घटना हुँदा चालक गुरुङ गम्भीर घाइते भएका थिए। उनलाई गोरखा अस्पतालबाट थप उपचारका लागि चितवन रेफर गरेकोमा उपचारकै क्रममा ज्यान गएको प्रहरीले जनाएको छ।

सहचालक गोरखा नगरपालिका–८ घर भएका ४३ वर्षका खुसबहादुर थापाको अवस्था भने सामान्य रहेको जनाइएको छ।