पोखरा

ने.वि.संघ निवर्तमान् केन्द्रिय सहमहामन्त्री महेश्वरी कुँवरको संयोजकत्वमा २३ औँ मंगलादेवी स्मृति दिवसको अवसरमा ने.वि.संघ मैदानबाट महिला नेतृत्व नामक पुस्तक विमोचन तथा सम्मान कार्यक्रम सम्पन्न भएको छ ।

कार्यक्रममा ने.वि.संघ केन्द्रिय कमिटीमा र कमिटीबाहिर रहेर राष्ट्रियता, प्रजातन्त्र, समाजवाद र यो मुलुकको समृद्धि साथै लोकतन्त्र स्थापनार्थ योगदान पुर्याएका महिला नेतृत्वलाई साथै कलम चलाएका पत्रकार र समाज रुपान्तरणमा भूमिका खेलेका सामाजिक अभियान्तालाई सम्मान गरिएको थियो । कार्यक्रमको उद्घोषण निवर्तमान ने.वि.संघ केन्द्रिय सदस्य पुनम भट्ट भट्टराईले गर्नुभएको थियो ।

उक्त कार्यक्रममा प्रमुख अतिथि नेपाली काँग्रेस नेतृ , पुर्व सभासद , सामाजीक अभियान्ता आर्जु राणा देउवाले नेपाल कम्युनिष्ट पार्टी नेतृत्वको सरकारले प्रेसमाथी अंकुश लगाउन खोजेको भन्दै यसले लोकतन्त्र सुरक्षित नहुने जिकिर गर्नुभएको थियो । साथै प्रमुख अतिथि देउवाले नेपाली काँग्रेस गौरवमय इतिहास बोकेको पार्टी भएको जनाउँदै पार्टीको इतिहास जनतालाई बताउन हिचकिचाउन नहुने बताउनुभयो ।

कार्यक्रममा ने.वि.संघ निवर्तमान केन्द्रीय अध्यक्ष नैनसिंह महर, पूर्व तरुण दल केन्द्रीय अध्यक्ष उदयशमशेर राणा, ने.वि.संघ केन्द्रीय निवर्तमान र पूर्वपदाधिकारी तथा केन्द्रिय सदस्य लगायतको बाक्लो उपस्थिति थियो ।