पोखरा

स्याङ्जाको चापाकोट नगर कार्यपालिका तथा स्थानीय विपद् व्यवस्थापन समितिको आज बसेको आकस्मिक बैठकले कोरोना सङ्क्रमणको जोखिम उच्च भएको भन्दै यही साउन २९ गते राति १२ः०० बजेसम्मका लागि अत्यावश्यकबाहेकका सम्पूर्ण सेवा बन्द गर्ने निर्णय गरेको छ ।

नगरपालिकासहित नगरअन्तर्गतका वडा कार्यालय, सम्पूर्ण बैंक तथा वित्तीय संस्था, सरकारी, गैरसरकारी सङ्घ संस्था एवं शैक्षिक संस्थाबाट प्रदान हुँदै आएका सम्पूर्ण सेवा पूर्णरुपमा बन्द गरिएको उहाँले जानकारी दिनुभयो ।

“विश्वव्यापी महामारी तीव्र गतिमा फैलिरहेको नयाँ भेरियन्टसहितको सङ्क्रणका कारण नगरभित्रका विभिन्न भागमा गम्भीर बिरामीको सङ्ख्या बढ्दै गएकाले आकस्मिकरुपमा बन्द गर्ने निर्णय गरेका हौं”, प्रमुख गिरीले भन्नुभयो।”

नगरपालिकाले सङ्क्रमितको व्यवस्थापनका लागि स्रोत व्यवस्थापन गरी १० श्ययाको आइसोलेशन केयर सेन्टर निर्माण गरेको छ ।