पोखरा

भदौमा तोकिएको महाधिवेशन पनि लगभग सर्ने  भएपछि कांग्रेस वरिष्ठ नेता रामचन्द्र पौडेलले आज अपराह्न ३ बजे महामन्त्री शशांक कोइराला निवास महाराजगञ्जमा आफू निकट केन्द्रीय सदस्यहरुको बैठक बोलाएका छन् ।

डाकिएको बैठकले महाधिवेशन सुनिश्चितता गर्न सभापति शेरबहादुर देउवालाई दबाब दिने  एक नेताले जानकारी दिए ।

आजै नेपाली कांग्रेसको संस्थापन इतर समूहको जिल्ला समूहको पनि भेला हुँदैछ । वरिष्ठ नेता पौडेल तथा कृष्ण सिटौला पक्षधर जिल्ला सभापतिहरुको बैठक दिउँसो ठमेलस्थित एक होटलमा बस्ने नेता जगदीश्वर नरसिंह केसीले जानकारी दिए ।

कतिपय जिल्लाको क्रियाशील सदस्यता विवाद हल हुन नसक्दा कांग्रेसको भदौमा हुने भनिएको महाधिवेशनका कार्यतालिका प्रभावित भएका छन् । अहिलेसम्म वडा तथा पालिकास्तरको अधिवेशन समेत नभएपछि कांग्रेसमा संस्थापन इतर पक्ष सभापति देउवासँग रुष्ट भएको छ ।

बैठकले कांग्रेस महाधिवेशन समयमै गर्न वा विशेष अधिवेशन गरेर भए पनि पार्टीलाई अवैध हुनबाट जोगाउन सभापति शेरबहादुर देउवालाई दबाब दिइने उनले बताए ।