पोखरा

कास्की प्रहरीले पोखरामा युवतीलाई होटलमा लगेर जबर्जस्ती करणी गरेको अभियोगमा एक युवकलाई पक्राउ गरेको छ ।

२६ वर्षीया युवतीलाई डर, त्रास र धाक धम्की दिएर पोखरा -६ खहरेस्थित एक होटलमा लगेर जबर्जस्ती बलात्कार गरेको भन्ने जाहेरीको आधारमा स्याङ्गजा जिल्ला अर्जुन चौपारी गाउँपालिका स्थायी घर भइ हाल पोखरा -१७ बिरौटा बस्दै आएका ३६ वर्षीय ख्याम बहादुर घर्तीलाई सोमबार पक्राउ गरीएको कास्की प्रहरी प्रवक्ता, डिएसपी सुवास कुमार हमालले जानकारी दिनुभयो ।

घर्तीलाई जिल्ला अदालत कास्कीबाट जबर्जस्ती करणी सम्बन्धी कसुरमा ७ दिनको म्याद थप गरी अनुसन्धान प्रक्रिया अगाडि बढाइएको प्रहरीले जनाएको छ ।