पोखरा

म्याग्दीको सदरमुकाम बेनी नगरपालिका– ८ स्थित न्यूरोडमा मंगलबार बिहान २ः४५ बजे भएको भीषण आगलागीबाट दुईवटा पसल पूर्णरुपमा नष्ट भएको प्रहरीले जनाएको छ । आगलागीबाट मानवीय क्षति नभएपनि लाखौं बराबरको क्षति भएको अनुमान गरिएको छ ।

बेनी नगरपालिका–८ स्थित न्यूरोडमा अवस्थित रघुगङ्गा डेरी र नयन स्टोर्समा आगलागी भएको हो । डेरी पसलबाट सल्केको आगलागी सँगै जोडिएको नयन स्टोर्समा पुगेको थियो ।

आगलागी भएको केही बेरमा नै दमकलको साहयतामा आगलागी नियन्त्रणमा लिएको थियो । नेपाल प्रहरी, शसस्त्र प्रहरी र नेपाली सेनाको टोली स्थानीयको सहयोगमा अहिले आगलागी नियन्त्रणमा आएको जनाइएको छ ।

प्रहरीले पसलभित्रको बिजुलीको तार सट भएर आगलागी भएको हुनसक्ने अनुमान गरिएको जनाएको छ ।