पोखरा  

जिल्ला प्रहरी कार्यालय कास्कीबाट खटिएको प्रहरीको टोलीले मंगलबार दिउसो पोखरा ११ फूलबारी भानु मार्गमा रहेको चिन बहादुर गुरुङको घरमा जुवा तास खेलिरहेको अवस्थामा चिन बहादुर गुरुङसहित ६ जनालाई ७४ हजार २८० रुपैयाँ नगद र ४ बुक ताससहित पक्राउ गरेको प्रहरी इन्स्पेक्टर मुकेस न्यौपानेले जानकारी दिनुभयो  ।

पक्राउ पर्नेहरूमा पोखरा ९ नागढुङगा बस्ने ६५ वर्षीय पुरन गुरुङ, पोखरा १० रामघाटका  ५३ वर्षीय हरि कुमार गुरुङ, पोखरा  १० मिलन टोलका  ६२ वर्षीय हिम बहादुर गुरुङ, पोखरा ११ फूलबारीका ५० वर्षीय राम बहादुर गुरुङ, पोखरा ११ फूलबारीका  ४८ वर्षीय चिन बहादुर गुरुङ र  पोखरा -१४ चाउथेका  ४० वर्षीय फणीन्द्र राज पौडेल रहेका छन ।

उनीहरूलाई सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसुर अन्तर्गत जुवा खेल्न वा सट्टा बाजी गर्न नहुने मुद्दा शीर्षकमा कास्की जिल्ला अदालतबाट ७ दिनको म्याद थप गरी अनुसन्धान अगाडि बढाइएको प्रहरीले जनाएको छ ।