पोखरा

आइतबार बिहान पोखरा महानगरपालिका-१८, मेथलाङ सडकमा कार दुर्घटना हुँदा एक जना युवकको मृत्यु भएको छ ।

मृत्यु हुनेमा कार चालक बद्री खत्री रहेका छन् । उनको घर नवलपरासी रहेको खुलेको केसीले जनाए ।

मेथलाङमा सबेरै सडकबाट कार खसेको सूचना पाएपछि प्रहरी घटनास्थल पुगी उद्धारकार्यमा जुटेको थियो । एक पुरुष र दुई महिलाको उद्धार गरिएकोमा पुरुषको मृत्यु भएको जिल्ला प्रहरी कार्यालय कास्कीका प्रहरी निरीक्षक एवं निमित्त प्रहरी प्रवक्ता दीपक केसीले जानकारी दिए ।

दुर्घटनामा घाइते भएका दुई जनालाई उद्धार गरि पोखराको सहारा अस्पतालमा ल्याइएको छ । घाइतेमध्ये एक युवती र एक युवक छन् । उनीहरुको अवस्था खतरामुक्त रहेको छ ।

ग १ च ७२३४ नम्बरको सिल्भर कलरको कार सडकबाट करिब दुई सय मिटर तल खोंचमा खसेको अवस्थामा बिहान स्थानियले देखेका थिए । प्रहरीलाई खबरपछि वडा प्रहरी कार्यालय, बगरबाट टोली खटिएका थिए ।

प्रहरी अहिले घटनास्थलमा पुगेर अनुसन्धान गरिरहेको कास्की प्रहरीका निमित्त प्रवक्ता दीपक केसीले जानकारी दिए । 
घटनाको थप विवरण आउन बाँकी छ ।