घरको छतबाट खसेर सैनिक हवल्दार थापाको मृत्यु
पोखरा
तनहूँमा घरको छतबाट खसेर नगरपालिका वडा नं. ३ देउरालीनगरका ३७ वर्षीय सैनिक हवल्दार लक्ष्मण थापाको मृत्यु भएको छ ।
तनहूँ प्रहरीका अनुसार उनी आफ्नै घरको छतबाट खसेर गम्भीर घाइते भएका थिए ।
उनको तनहूँस्थित दमौली अस्पतालमा उपचारका क्रममा मृत्यु भएको प्रहरी नायव उपरीक्षक युवराज तिमल्सिनाले जानकारी दिए ।
उनी ३ नम्ब बाहिनी खैरेनीटारमा कार्यरत थिए । उनी बिदामा रहेका बेला दुई तल्ला अग्लो घरको छतबाट खसेको उनले बताए ।
छतबाट सडकमा खसेका उनलाई छिमेकी र परिवारले उद्धार गरेर अस्पताल ल्याएको भए पनि ज्यान जोगिएन ।
