कोरोनाको जोखिम बढेपछि तनहूँको ‘ट्रि हाउस’ बन्द
पोखरा
पछिल्लो समय चर्चित यस स्थलमा आन्तरिक पर्यटकको घुइँचो लाग्न थालेकाले कोरोनाको जोखिम बढ्न नदिन तनहुँको म्याग्दे गाउँपालिका–२ स्थित ज्यानटाङ सामुदायिक वनमा निर्माण गरिएको हरियाली पार्क सहितको ट्रि हाउस फेरि बन्द गरिएको छ ।
जिल्ला प्रशासन कार्यालयको निर्देशनमा अर्को सूचना जारी नभएसम्मका उक्त स्थल बन्द गर्ने निर्णय गरिएको सामुदायिक वनका अध्यक्ष ईश्वर रानाभाटले जानकारी दिए। ट्रि हाउसमा बिदाका दिनमा चार/पाँच सय र अन्य दिन एक सय आन्तरिक पर्यटक पुग्ने गरेका थिए ।
रुखलाई भित्र पारेर निर्माण गरिएको दुई तहको काठको घरबाट दृश्यावलोकन गर्न सकिन्छ ।
