पोखरा

कास्की प्रहरीले अवैध लागु औषधसहित एक युवकलाई पक्राउ गरेको छ। ईलाका प्रहरी कार्यालय हंसपुरबाट खटिएको प्रहरीको टोलीले पोखरा महानगरपालिका -२७ बस्ने सरोज कुमाललाई अवैध लागु औषधसहित पक्राउ गरेको जिल्ला प्रहरी कार्यालय कास्कीले जनाएको छ।

प्रहरीले कुमालको साथबाट डाईजापाम ४६ एम्पुल, फेनारगन ४३ एम्पुल र नुर्फिन ४३ एम्पुल गरी जम्मा १३२ एम्पुल लागु औषध र मोवाईल एक थानसहित नगद १८ हजार वरामद गरेको छ।

पक्राउ परेका उनीमाथि जिल्ला अदालत कास्कीबाट लागु औषध मुद्धामा सात दिनको म्याद थपको अनुमति लिएर आवश्यक अनुसन्धान प्रक्रिया अगाडि बढाइएको प्रहरीको भनाई छ।