सोमालियाको एक रेष्टुरेन्टमा बम बिस्फोट हुँदा १३ जनाको मृत्यु
पोखरा
सोमालियामा एक रेष्टुरेन्टमा बम बिस्फोट हुँदा १३ जनाको मृत्यु भएको छ । २० जना घाइते भएका छन् ।
मध्य सोमालियाको एक शहरमा रहेको रेष्टुरेन्टमा भएको विस्फोटमा मृत्यु हुनेहरु अधिकांश सर्वसाधारण रहेको अन्तराष्ट्रिय सञ्चार माध्यमहरुले जनाएका छन् ।
मृतकमध्ये दुई जना सरकारी अधिकारीहरु पनि रहेका छन् । विस्फोटले भौतिक संरचनामा समेत ठूलो क्षति भएको अधिकारीहरुले जनाएका छन् ।
विस्फोट लगत्तै घाइतेहरुलाई अस्पताल पुर्याइएको थियो । राजधानी मोगादिसुबाट करिब २१० माइल उत्तरमा रहेको क्षेत्रमा संसदीय मतदानको पूर्वसन्ध्यामा विस्फोट भएको समाचारमा जनाइएको छ ।
आक्रमणमा एक जना संसंदीय निर्वाचनका उम्मेद्वार पनि रहेको बताइएको छ । सो आक्रमणको जिम्मा सशस्त्र समूह अल शबाबले लिएको छ ।
