पोखरा

पोखरा महानगरपालिका -१० रक्षा मार्गबाट म्याग्दीको रघुगंगा गाउँपालिका-७ चिमखोलाका २१ वर्षीय सन्दीप पुन २२५ एम्पुल लागूऔषधसहित पक्राउ परेको प्रहरीले जनाएको छ ।

पुनलाई डाइजापाम -७५ एम्पुल, फेनेरागन -७५ एम्पुल र नुर्फिन- ७५ एम्पुलसहित लागूऔषध नियन्त्रण ब्युरो शाखा पोखराले रक्षा मार्गबाट पक्राउ गरेको हो । उनीमाथि लागूऔषध सम्बन्धी कसुरमा जिल्ला अदालत कास्कीबाट ७ दिन म्याद थप अनुमति लिई अनुसन्धान भइरहेको प्रहरीले जनाएको छ।