पोखरा

स्थानीय तह निर्वाचनका लागि लमजुङमा मुख्य निर्वाचन अधिकृतको कार्यालय स्थापना गरिएको छ। मुख्य निर्वाचन अधिकृतसमेत रहेका जिल्ला न्यायाधीश शिवप्रसाद खनालले कार्यालय स्थापना गरी निर्वाचनसम्बन्धी कामकाज अगाडि बढाएको जानकारी दिए ।

लमजुङ सदरमुकाम बेँसीसहरमा रहेको जिल्ला समन्वय समितिको भवनमा मुख्य निर्वाचन अधिकृतको कार्यालय राखिएको हो ।

लमजुङ जिल्लाका सबै आठ स्थानीय तहमा पनि निर्वाचन अधिकृतको कार्यालय स्थापना गरिने उनले बताए। लमजुङमा चार गाउँपालिका र चार नगरपालिका रहेका छन्।