पोखरा

जबरजस्ती करणी उद्योगमा संलग्न रहेको अभियोगमा प्रहरीले एक जनालाई पक्राउ गरेको छ ।

पक्राउ पर्नेमा जिल्लाको मोदी गाउँपालिका वडा नं – ६ तिलाहार बस्ने ३७ वर्षीय विकास लामिछाने छन् ।
लामिछानेले जबरजस्ती करणी गर्न खोजेको भनी पीडितले जिल्ला प्रहरी कार्यालय पर्वतमा जाहेरी पेश गरेकोमा उक्त कार्यालयबाट खटिएको प्रहरीले सोमबार उनलाई पक्राउ गरेको हो ।

उनीमाथि जबरजस्ती करणी उद्योग मुद्दा शिर्षकमा जिल्ला अदालत पर्वतबाट १० दिन म्याद थप अनुमति लिई अनुसन्धान भइरहेको प्रहरीले जनाएको छ ।