पोखरा

गोरखामा आज बिहान यात्रुबाहक बस दुर्घटना हुँदा २० जना घाइते भएका छन् ।

जसमा पाँच जनाको अवस्था गम्भीर रहेको प्रहरीले जनाएको छ । गम्भीर घाइते पाँच जनालाई उपचारका लागि चितवन पठाइएको छ । अन्य घाइते १५ जनाको गोरखा नगरपालिका-१० छेपेटारस्थित पृथ्वीनारायण सामुदायिक अस्पतालमा उपचार भइरहेको जिल्ला प्रहरी कार्यालयका एसपी केदार खनालले बताए ।

जिल्लाको सिरानचोक गाउँपालिका वडा नं. ४ राम्चेमा बस दुर्घटना भएको हो । नारायणगढबाट अजिरकोट गाउँपालिकाको भच्चेक जाँदै गरेको ना५ख ५३०५ नम्बरको बस सडकमै पल्टिएको बताइन्छ । दुर्घटनाको कारण भने खुलेको छैन ।