पोखरा

असार पहिलो साताको पहिरो खस्दा अवरुद्ध पोखरा–सिक्लेस सडक बिहीबारदेखि पुन: सञ्चालनमा आएको छ ।

आधा दर्जन भन्दा बढी पहिरो खस्दा २ हप्तादेखि सडक अवरुद्ध थियो । मादी गाउँपालिका-७, ६ चिप्ली र तप्राङको बीचमा र मादी-१ को पुदू खोलाको वारि, पारि दुवै भागमा पहिरोले सडक भत्काएको थियो । एक्साभेटरले पहिरो पन्छाउनमात्रै ५ दिनभन्दा बढी लागेको मादी गाउँपालिका-१ का वडाध्यक्ष देवीजङ गुरुङले जानकारी दिए ।

पहिराले मुख्य सडक क्षति पुर्‍याउँदा पोखरा–सिक्लेस सीधा सम्पर्क टुटेको थियो । आवतजावतका लागि ताङतिङको बाटो प्रयोग गरे पनि पर्यटक, बिरामी तथा वृद्धवृद्धा आउजाउ गर्न समस्या भएको गाउँपालिकाले जनाएको थियो ।