पोखरा

जिल्ला प्रहरी कार्यालय कास्कीले पोखराको न्युरोडबाट जुवा खेलिरहेका ६ जनालाई पक्राउ गरेको छ।

पोखरा महानगरपालिका वडा नं -८ न्यूरोड डेरा गरी बस्ने पोखरा -२६ लेखनाथ घर भएका ३२ वर्षीय नविन गौचनको कोठामा जुवातास खेलिरहेको अवस्थामा गौचन सहित ६ जनालाई बिहीबार राति प्रहरीले पक्राउ गरेको हो ।

विशेष सूचनाको आधारमा जिल्ला प्रहरी कार्यालय कास्कीबाट खटिएको प्रहरीले उनीहरूलाई नगद २ लाख ५३ हजार रूपैयाँ र २ सय ८ पत्ती तास सहित फेला पारी पक्राउ गरेको हो । उनीहरुमाथि अनुसन्धान भइरहेको जिल्ला प्रहरीले कार्यालय कास्कीले जनाएको छ।