पोखरा

पोखराको लेकसाइडस्थित चार तारे स्विस इन्टरनेशनल होटेल सरोवरमा ट्रान्क्युलिटी स्पाको सेवा शुरु भएको छ ।

पोखरा लेकसाइडस्थित १४ नम्बर स्ट्रिटमा सञ्चालनमा आएको यो स्पा पोखराकै सबैभन्दा ठूलो क्षेत्रफलमा फैलिएको स्पा हो । सञ्चालक रनिल फैजुका अनुसार सरोवरमा ७५ सय स्क्वायर फिट क्षेत्रफलमा सञ्चालनमा आएको छ ।

सेवाग्राहीले यहाँबाट मसाज थेरापी, ब्युटी थेरापी, हाइड्रो थेरापीसहित अन्य प्याकेजमा सुविधा पाउनेछन् । स्पासँगै सलून, साउना, स्टिम, ज्याकुजीको सेवा पनि रहेको उनले जानकारी दिए ।

ट्रान्क्युलिटी स्पाले प्राकृतिक चिकित्सासँग सम्बन्धित विभिन्न आयुर्वेदिक थेरापी, एरोमा थेरापी, स्पाइनल थेरापी, शिरोधारा, सौना वाथ, स्टिम वाथ लगायत सेवा प्रदान गर्दै आइरहेको छ ।
स्पामा अन्तर्राष्ट्रियस्तरका स्पासँग सम्बन्धित सामग्री प्रयोग गरिएको हुनाले यस किसिमको सेवाले स्वस्थ समाज निर्माण गर्न सहयोग हुने उनले बताए । 

शारीरिक थकान, मानसिक तनाव, जिउ दुखेको, नशा खुम्चिएको, भोक नलाग्ने, निन्द्रा नलाग्ने, युरिक एसिड, ब्लडप्रेसर, मधुमेह, माइग्रेन पिनास जस्ता नसर्ने रोगहरूलाई स्पा अत्यन्त उपयोगी हुन्छ ।