पोखरा

पाेखराकाे सभागृह चोकमा आज बसको ठक्करबाट म्याग्दीको अन्नपूर्ण गाउँपालिका–५ घर भइ हाल पोखराकाे लेकसाइड बस्दै आएकी ७५ वर्षीया सुनमाया तिलिजाको मृत्यु भएको छ ।

गम्भीर घाइते भएकी बृद्धाको उपचारको क्रममा गण्डकी मेडिकल कलेजमा मृत्यु भएको हो । पोखराबाट दमौलीतर्फ जाँदै गरेको ग १ ख ३८२५ नम्बरको बसले बाटो क्रस गर्दै गरेकी बृद्धालाई आज बिहान साढे ७ बजे ठक्कर दिएको थियो । बससहित चालकलाई वडा प्रहरी कार्यालय बैदामले नियन्त्रणमा लिएको छ ।