पोखरा

स्याङ्जाको वालिङ–१३ गहाखोलास्थित आँधीखोला जाने भित्री कच्ची सडकखण्डमा वालिङ नगरपालिका–९ का पूर्ववडाध्यक्ष वसन्त श्रेष्ठको शव भेटिएको छ । 

प्रहरीले ग १६ प ५४६१ नम्बरको स्कुटर पनि बरामद गरेको छ । जिल्ला प्रहरी कार्यालयका प्रवक्ता डीएसपी रवीन्द्र खनालका अनुसार स्कुटरसहित मान्छे दुर्घटनामा परेको भन्ने सूचना प्राप्त भएपछि प्रहरीको टोली पुगेको थियो ।

उनले स्कुटर बाटोमा छेउमा साइड लगाएर राखिएको र श्रेष्ठ कुनाको साइडमा उत्तानो अवस्थामा मृत भेटिएको बताए । सेतो रङको कीटनाशक विषादीको खोलिएको डिब्बा स्कुटरनजिक भेटिएकाले घटनाबारे थप अनुसन्धान भइरहेको प्रहरीले बताएको छ ।