पोखरा

लमजुङको मर्स्याङ्दी गाउँपालिका–२, घनपोखरामा बुधबार जिप दुर्घटना हुँदा १५ जना घाइते भएका छन् । बेँसीसहरदेखि घनपोखरा जाँदै गरेको ग १ ज ७४१७ नम्बरको जिप घनपोखराको भाचेस्थित सडकबाट बीस मिटर तल खसेको थियो ।

घाइतेमध्ये १ जनाको अवस्था गम्भीर रहेको प्रहरीले जनाएको छ । स्थानीय र प्रहरी मिलेर घाइतेलाई जिपमा उद्धार गरी लमजुङ जिल्ला अस्पताल ल्याइएको र उपचार भैरहेकाे जिल्ला प्रहरी कार्यालय लमजुङका सुचना अधिकारी प्रहरी निरीक्षक जगदीश रेग्मीले बताए । उनका अनुसार घाइते सबै मर्स्याङदी गाउपालिकाका स्थानीय हुन् ।

घाइते हुनेहरुमा लमजुङ मर्स्याङदी गा.पा. वडा नं. २ बस्ने बर्ष ५२ को चित्र ब. गुरूङ, बर्ष ५६ की सुन माया गुरुङ, बर्ष १९ कि रेखा वि.क., बर्ष ३१ को बुद्धी ब. गुरुङ, बर्ष ७ को राजिप गुरुङ, बर्ष ३४ को शिव कुमारी गुरुङ, बर्ष २ को रियन्स गुरुङ, बर्ष ३० की मनु वि.क., बर्ष ४ की कृतीका वि.क., बर्ष ३१ को शेष ब.गुरुङ रहेका छन् । त्यस्तै लमजुङ मर्स्याङदी गा.पा. वडा नं. ६ बस्ने बर्ष २३ को मिलन वि.क., बर्ष २५ कि करिना सुनार,  बर्ष २ को रिजन वि.क. र  बर्ष २५ को सोम नाथ वि.क.  रहेका छन् ।